म ऐना हुँ तिम्रो दर्पण देखाउने

म ऐना हुँ तिम्रो दर्पण देखाउने
त्यसैले त म अचम्मित छु
तिमीलाई देखेर अहो !

रिसाउँछ्यौ, खुसाउँछ्यौ भावुक
हुँदै आँशु खसाउछ्यौ कहिले
एक्लो दर्शक हुँ म तिम्रा ति पलको

सर्माउँछ्यौ, आँखा झिम्क्याउँछ्यौ ।
सिंगार्दै आँफुलाई कहिले
एक्लो साँक्षी हँु म तिम्रो त्यो लाजको



पचाउँछ्यौ लाज कहिले, सर्वाङ्ग
वस्त्र सवै उतारेर कहिले,
हुँ मै हुँ एक्लो साथी तिम्रो, नर्लज्जाको

देखिन्छ्यौ रे थरी थरी रुप र रङ्गमा
दुनियाँको अघिल्तीर,
कोही रुप हेर्छन रे
कोही राग हेर्छन रे तिम्रा
तर
मै हुँ एक्लो प्रत्यक्ष दर्शी तिम्रो
सम्पुर्णताको

देखेँ तिम्रा हरेक रुप
देखेँ तिम्रा लाज पनि
देखेँ क्रोध, लोभ, मोह अनि माया
देखेँ तिम्रो भाव पनि
म ऐना हुँ तिम्रो दर्पण देखाउने


By: SB khanal
twitter:@sekharbhadrakha