डरै डरले यो मन मार्नु कति अझै
झ्यालमा बसि उन्ले पिठ्यू सेकाउदा
नहेरे झै उन्लाइ पार्नु कति अझै
डरै डरले यो मन मार्नु कति अझै
मेरा घरका पर्दाहरु छेक्न खोज्दा उन्लाइ
आमैका आँखा छलि सार्नु कति अझै
डरै डरले यो मन मार्नु कति अझै
पर्दा फाडि, गेट तोडि मनले जान खोज्दा
काँडेतारको बार लगाइ बार्नु कति अझै
डरै डरले यो मन मार्नु कति अझै
कहिले काँहि त नजर जुध्छन, हेर्छे बेसरम् भै
यो नजरको खेलमा हार्नु कति अझै
डरै डरले यो मन मार्नु कति अझै
पल्लोघरको झ्याल तार्नु कति अझै
डरै डरले यो मन मार्नु कति अझै
BY: S.B KHANAL
No comments:
Post a Comment