Monday, June 13, 2016

दुखको काहानि

स्रस्टा एक वाल विधवा हुनुहुन्छ, र उहाँ जस्तै हजारौ यस प्रथाका पिडीत हरुको आवाज उहाँका शब्दमा भेटिन्छन.



हे दिदी बहिनी सुनिदेउ मेरो दुखको काहानि
हृदय मेरो दर्केर आउछ देखेर जिवनी
बालखकाल पाइन चाल कसरी बित्यो त्यो
आमाको काखमा खेलेर खाँदा सजिलै भएथ्यो

म बाह्र बर्ष भएकी थिँए आमाको काखैमा
विवाह भयो त्यो सोह्र बर्ष ठिटाको साथैमा
बर्षदिन सम्म म माइत बसेँ घरमा गइन
दुइबर्ष लाग्यो घरमा गयेँ सासूले सहिनन्

बाह्रसाल फाल्गुन महिना, सोमबारको रातिमा
जोरोहै चड्यो, सुस्केरा बड्यो, म लागेँ आत्तीन
शरिर कुप्रो, लुगाको थुप्रो साउदाना आहारा
दुई महिना सम्म सुतेको बिरामी, लाठिको साहारा

सासको आसा थियो नि मलाई अरु के थियो र
त्यैपनि आज ढलेर गयौ अब के रयो र
बाइसे ठिटा ढलेर गयौ दुनियाँ रुवाइ
एता न उता परी सुताई भो अब न मलाई

वसन्त चड्यो पालुवा लाग्यो फूलैको मुनैमा
कलिलो जोवन रोएर गयो अधेरो कुनैमा
गाजले आँखा पहेँलो भए आशुले गाल्दैमा
तल्तल ओठ कलेटि परे सुस्केरा हाल्दैमा

सासूको बोलि सांघारे टोकाइ गोली है वर्सन्छ
सासूको बचन् संझदा खेरी कलेजा थर्कन्छ
घरकी राँणी माइतकी राँणी गाँउलेको उनै नाम
घरकी राँणी माइतकी राँणी म अब कता जाम

साइतमा विधुवा देखे साइत पर्दैन
घरमा एउटा विधुवा भए लक्षिन हुदैन
काम गर्न जान्थेँ पाम्दीको कुनो एकलासे वनैमा
सुकिलो दंत, जुँघाको रेखि संझन्छु मनैमा

उनिको घर हो क्यामिन डँडा पुराना गामैमा
कलिलो जोवन रोएर गयो उनिको नामैमा


हामी सबैकि प्यारी दिदी, काली दिदी

एस बि खनाल
Twitter: @sbkhanal

Sunday, June 5, 2016

नयन प्रणय


सदियौँको अत्रिप्तता झै मेटे आज नजरले
आज पनि उस्तै थियो तड्पन
आव पनि उस्तै थियो धड्कन
झन परिस्थिती त उस्तै दुरुस्तै
चोरी चोरी उनिलाइ हेर्नुपर्ने मेरा
आँखाका वाध्यता ।
म रोक्न खोज्थेँ
वरु धडकन रोकिन राजि थिए
तर यि नजरले मानेनन्

तिमी उस्तै थियौ
मेरो मनको क्यानभाषमा पहिलो पल्ट
तिम्रो तस्विर उतार्दा जस्तै
आज पनि तिम्रा ओठहरु मौन थिए
तर हजार प्रश्न तेस्र्याएर नजरहरु चिच्याउदै थिए
हो तिनै श्वरहरुले असान्त पारेका थिए
मलाइ पहिले पनि र अहिले पनि
म सर्प झै हुन्छु
तिम्रो वरिपरी हुँदा
तिम्रो मैनता नै गरुड सरी हुन्छ मलाई
तिम्रो वरिपरी लटपट
र त, वरु धडकन रोकिन राजि थिए
तर यि नजरले मानेनन्

एस बि खनाल
Twitter@sbkhanal